Nan peyi Meksik, premye rezilta ki anrejistre nan eleksyon pou pòs gouvènè nan eta Guerrero ki sou kòt Pasifik peyi a montre kandida ki devan an se Angel Aguire manm Pati Revolisyonè Demokratik (PRD), yon pati gochis.
Avèk omwen 45% bilten responsab yo deja konte, Aguire ranpòte 57% vwa yo. Advèsè l la, Manuel Anorve ki nan Pati Revolisyonè Enstitusyonèl la (PRI) ranpòte 42%. PRI ap chèche repran pouvwa politik nan peyi Meksik.
Eleksyon Eta Guerrero a se premye nan plizyè kous pou gouvènè ki fèt nan peyi Meksik ane sa a, sa ki pare teren an pou eleksyon prezidansyèl ki gen pou dewoule nan ane 2012.