Nan Larisi, lidè opozisyon an, Alexei Navalny, jwenn liberasyon li jedi 14 jen 2018 la apre misye fin pase 30 jou nan prizon pou wòl li sanse te jwe nan yon seri de manifestasyon poilè ki te fèt kont Prezidan Vladimir Poutin mwa pase a. Nan yon nòt Misye Nalvalny ekri sou paj Twitter li, li deklare:
<< Mwen retwouve m avèk nou ankò aprè 30 jou mwen pase ap fè yon vwayaj dafè. Se pa ti kontan m kontan deske m rejwenn libète m. >>
Otorite yo te arete Alexei Navalny ak plizyè santèn patizan li pou patisipasyon yo nan manifestasyon ki te fèt nan mwa me pase a nan Moskou ak plizyè douzèn lòt vil nan Larisi anvan seremoni prestasyon sèman Prezidan Putin pou yon lòt manda 6 zan.
Gouvènman ris la te lage sou do lidè opozisyon an akizasyon deske li t ap chofe tèt pèp la pou l pran lari san otorizasyon; ansuit yon tribinal te kondane li pou l pase 30 jou nan prizon.