Isit Ozetazini, responsab ijans yo fè konnen genyen anviwon 80 moun mouri nan pati Sidès peyi a akoz gwo lapli , tònad loraj, lagrèl ki frape rejyon an.
Move tan sa a frape vil Tusca-llosa nan Alabama kote majistra a fè konnen tònad la bloke yon pakèt kote nan vil la.
Gen tònad tou ki touche vil Birmingham nan Alabama. Gouvènè Alabama a, Robert Brantley di jounalis yè swa tanpèt sa a reprezante yon gwo kokenn eveneman , yon evenman mòtel e li avèti gen lòt move tan vyolan ki sout wout toujou.
Prezidan ameriken an Barack Obama deklare yon eta dijans federal pou Alabama kote li otorize asistans pou tout 67 awondisman l yo.
Prezidan Obama te tou pwofite sali “efò ewoyik popilasyon an devan trajedi sa a .