Vizit sa a " fè pati nan efò Prezidans -Biwo Inyon Afriken an ap fè pou kontribiye nan finisman lagè a nan Ikrèn, e pou ede libere estòk sereyal ak angrè, ki bloke an Ewòp, e sa afekte patikilyèman peyi Afriken yo" dapre sa biwo a te di.
Putin te lanse envitasyon sa a bay Mesye Sall pou li vin vizite Larisi. Prezidan Inyon an akonpaye pa Prezidan Komisyon Inyon Afriken an, Chadian Moussa Faki Mahamat.
Prezidan senegalè a te voye yon mesaj madi bay lidè peyi Ewopeyen yo ki te rankontre nan Brussels, kote li te mande yo pou yo fè tout sa yo konnen "pou libere estok ble ki disponib" nan Ikrèn men bloke akoz lagè Ris la nan Ikrèn akòz pò Odessa a bloke.
Li te ensiste ke kriz aktyèl la ap ogmante grangou nan Lafrik apre COVID-19 ki te deja agrave sitiyasyon nan l'Afrik.
Sall di ke anpil peyi Afriken, ki gen ladan pwòp peyi li, depann anpil sou enpòtasyon ble ki soti nan rejyon an. Li te enkyete tou pou konsekans sanksyon Ewopeyen yo sou bank Ris nan sistèm entènasyonal Swift la ap genyen sou transfè lajan.
Senegal, ki gen relasyon solid ak peyi oksidantal yo, te fè anpil moun sezi 2 mas lè li te deside pa vote nan yon vòt nan Asanble Jeneral Nasyonzini an favè yon rezolisyon ki te mande "ke Larisi imedyatman sispann sèvi ak fòs kont Ikrèn"