MOSKOU —
Lame Ris la fe konnen li pral fe gwo egzèsis milite nan ès peyi a kap gen patisipasyon twoup Lachin.
Manev yo ki pral tanmen Jedi, reflete rapwochman militè ant Moskou ak Peken, nan moman tansyon yo ak L'Oksidan akoz envasyon Ikrèn nan, ogmante anpil.
Ministè Defans Ris la deklare Lendi, egzèsis Vostok 2022 (Es 2022) pral dire ant 1 ak 17 Septanm nan divès zòn ekstrèm ès Larisi epi Lanmè Japon an.
Plis pase 50,000 twoup ap patisipe ladann ansanm ak plis pase 5,000 inite zam. Egzesis militè a ap dewoule nan 7 pis kote yo konn fè fòmasyon tire zam nan ekstrèm ès Larisi.