Kore di Sid avanse nan faz eliminatwa Mondyal Foutbòl Qatar la apre li kale Pòtigal 2-1 nan tan siplemantè. Se Hwang Hee-chan ki make gol ki genyen match la pou Kore di Sid.
Seleksyon nasyonal la te sanble li pral pran kannè, jiska Son Heung-min, kapitèn e pi gwo vedèt ekip la te pase balon an bay Hwang nan premye minis tan siplemantè a pou make gòl la.
Son ak ko-ekipye li yo te kwoke youn lòt nan mitan teren an apre abit la te sifle pou siyale fen match la. Yo te swiv fen match Urugwe - Ghana a sou yon telefòn entelijan.
Pwiske match Ghana - Urugwe a fini 2-0, Kore di Sid avanse.
Vedet ekip Potigal la, Cristiano Ronaldo, nan fen match seleksyon nasyonal Potigal la kont Kore di Sid, ke yo pedi 2-1, nan Mondyal Foutbol Qatar la, 1 Desanm 2022.
Pòtigal te deja avanse nan faz eliminatwa a apre 2 match li te jwe yo. Li fini nan tèt Gwoup H la.
Ricardo Horta make gòl la pou Pòtigal nan 5èm minit match la.
Kim Young-gwon te egalize skò a pou Kore di Sid nan 27èm minit la.