Minis Defans deziye Kore di Sid deklare peyi l pral reponn kif-kif ak operasyon ayeryèn si Kore di Nò lanse lòt atak militè ankò.
Pandan jeneral retrete Kim Kwan-Jin t ap pale devan palman an nan kad seyans konfimasyon sou chwa l la vandredi 3 desanm 2010 la kote li rejte krent kòmkwa aksyon vanjans kapab debouche sou lagè. Jeneral retrete a tap fè referans ak menas Kore di Sid ak militè ameriken yo.
Gouvènman sid koreyen an ap fè fas ak gwo kritik ki soti nan palmantè opozisyon an pou sa yo konsidere kòm yon repons fèb apre atak semèn pase a Kore di Nò te fè sou zile Yeong-pyeong kote 4 sid koreyen pèdui lavi yo. Fòs nò koreyèn yo tire 170 kout mòtye sou zile sa a ki toupre yon fwontyè maritim ant 2 Kore yo.