Responsab yo fò konnen nivo radyasyon an rive nan stad danjere ozalantou yon santral nikleyè ki resevwa anpil domaj apre yon dife eklate nan yon depi konbistib.
Nan yon deklarasyon televize Premye-Minis Naoto Kan fè madi 15 mas 2011 la , li presize, nivo radyasyon an wo anpil e gen risk pou plis radyasyon ki chape kite santral la.
Responsab yo mande tout moun k ap viv sou yon distans anviwon 30 kilomèt pa rapò ak santral elektrik nikleyè Fukushima a, fèt pou rete ann-dan kay.
Ajans Entènasyonal Enèji Atomik la di otorite japonè yo te fè l konnen ke genyen yon ensandi ki eklate nan yon depo konbistib nan batiman 4 yon santral nikleyè e sa lakoz radyo-aktivite gaye nan atmosfè a nan yon nivo ki 100 fwa plis ke nivo nòmal la.