Vil ak vilaj toupatou nan peyi La Fransw ap vote pou chwazi ant 2 kandida ki gen plan radikalman diferan pou avni peyi a.
Prezidan santris la, Emmanuel Macron ofri kontinyite si li re-eli pou yon dezyèm manda. Rival zèl dwat li a, Marine Le Pen limenm pwomèt gwo chanjman nan peyi a ak pèspektiv mondyal li nan moman kote yap eseye jere konsekans lagè La Risi ap mennen nan Ikrèn nan.
Dezyèm tou Dimanch la gen gwo enplikasyon non sèlman pou La Frans, men pou Ewòp an jeneral ak lòt peyi tou.
Eleksyon Dimanch la pi sere pase eleksyon 2017 la lè 2 kandida sa yo te fè konpetisyon.
Si wi ou non Macron ranpote la vikwa depann sou yon gwo ensètitid: kestyon pou konnen ki elektè kap deside rete chita lakay yo paske yo pa renmen ni youn ni lòt nan kandida yo.