DJ Renome Ayisyen Michael Brun ap prezante spektak Bayo li a nan Nouyòk, Samdi 22 Jiyè.
Konse a pral fèt nan Central Park ane sa a. Li pwograme pou 6hè di swa.
19 Jiyè, Brun te lage yon tib ki rele "Jessica" ke li anrejistre ansanm ak atis popilè Ayisyen J Perry, atis Kolonbyen J Balvin epi atis Jamayiken Charly Black.
Nan Bayo Tour la, Michael Brun mete aksan sou atis Ayisyen ak Karayib la ak kèk kolaboratè ki pa Ayisyen.
Misye di objektif li se mete mizik peyi natif natal li an valè toupatou nan mond lan.
Apre spektak Nouyòk la Bayo Tour la pral fè yon poz pou jous mwad Oktòb la, lè seri spektak yo va reprann le 19 nan vil Atlanta, epi apre sa li va pase Washington, Boston ak Miami.