Gen anpil kè sote pou sò sòlda Ikrenyen nan Mariupol ki se prizonye de gè La Risi kounyea, apre Moskou deklare li sezi izin asye vil pòtye sa a.
Ministè Defans La Risi deklare li arete sòlda Ikrenyen yo e ke li finn elimine tout rezistans ki te genyen nan konplèks izinn nan kote ki gen yon pakèt tinèl sou-teren, apre yon syèj ki te dire prèske 3 mwa e ki lakoz plis pase 20,000 sitwayen Mariupol pèdi lavi yo.
Sezi izinn nan bay Prezidan Ris la Vladimir Putin yon viktwa li tap chache anpil, nan lagè li te tanmen nan mwad Fevriye a.
Yon lidè separatis nan ès Ikrèn di li si e sèten solda yo pral fè fas ak tribinal. Li di gen yon afè 2,500 Ikrenyen ke La Risi arete.
Enfomasyon pou repotaj sa a soti nan Associated Press