Lapolis arete Premye Minis Zil Vyèj Britanik yo, Andrew Fahie, ki gen 51 lane, nan Miami jedi 28 avril la pou swadizan blanchiman lajan ak konplo pou l enpòte kokayin, dapre yon plent Ajans Ameriken ki Jere Zafè Dwòg (DEA) ke ajans nouvèl Reuters revise.
Fahie tonbe anba men lapolis nan eyewopò Miami an ansanm avèk direktè-manager Administrasyon Teritwa Britanik Lòtbò Dlo yo, dapre plent la ki site yon depozisyon manch long yon temwen konfidansyèl ta fè.
DEA di nan plent li a Fahie dakò pou l kite enfòmatè a –ki te fè tèt li pase pou yon manm katèl dwòg Sinaloa o Meksik- itilize pò Zil Vyèj Britanik yo pou l transpòte kokayin; pou sa li t ap touche 500 mil dola
Premye otorite ki anonse arestasyon Andrew Fahie a se gouvènè zile yo, John Rankin.