Premye minis Kanadyen an, Justin Trudeau, pwomèt madi peyi li pral bay yon repons "fèm epi klè" si Etazini mete frè ladwàn sou asye, "si sa nesesè", nan ka kote yon solisyon amikal pa mache.
"Nou pral travay ak administrasyon ameriken an nan semenn k ap vini yo pou mete aksan sou enpak negatif frè ladwàn sa yo, ki pa akseptab, sou Ameriken ak Kanadyen," Trudeau te di AFPTV, pandan Somè sou Entèlijans Atifisyèl la nan Pari.
"Nou pral travay tou ak patnè ak zanmi entènasyonal nou yo. E si sa nesesè, repons nou an ap, san dout, klè e fèm," li avèti.
Trudeau estime frè ladwàn ameriken sou asye ak aliminyòm kanadyen pa tap bon pou ekonomi an, paske "ekonomi nou yo konekte youn ak lòt."
"Asye ak aliminyòm Kanadyen yo sèvi nan plizyè gwo endistri ameriken, tankou defans, konstriksyon bato, manifakti, enèji ak otomobil," li te fè konnen.