WASHINGTON (AP) — Demokrat nan Komisyon Ransèyman Sena a mande eksplikasyon apre yo di Prezidan Donald Trump bay anplwaye Elon Musk aksè nan enfòmasyon klasifye, ki sansib pou gouvènman an.
Palmantè yo te ekri Mezon Blanch mèkredi pou mande ki mezi sekirite yo te pran pou anpeche fwit enfòmasyon san otorizasyon atravè anplwaye Depatman Efikasite Gouvènman an, yon ajans Musk ap dirije ki te resevwa aksè nan done sansib ki nan sistèm plizyè douzèn ajans.
Senatè demokrat yo di enfòmasyon sa yo gen ladan yo done pèsonèl sou sante ak finans plizyè milyon Ameriken, ansanm ak sekrè deta ak done sou ransèyman etranje.