Ansyen administrasyon an te pwolonje pou 18 mwa pwoteksyon tanporè (TPS) pou Venezyelyen yo, kèk jou anvan li te kite Mezon Blanch la.
Dapre New York Times, ki mansyone yon kopi desizyon an, minis Sekirite enteryè a, Kristi Noem, anile ekstansyon an madi.
AFP pa t rive imedyatman jwenn biwo Noem pou konfime enfòmasyon sa a.
Pwoteksyon tanporè sa a, ki pwoteje migran yo kont ekspilsyon e akòde dwa pou yo travay Ozetazini, bay sitwayen etranje sekirite akoz konfli ki genyen nan peyi yo oubyen dezas natirèl, oswa lòt kondisyon "ekstròdinè".
Pandan premye manda li a, soti 2017 rive 2021, Donald Trump, te fè batay kont imigrasyon ilegal tounen youn nan chwal batay li, e li te deja anile pwoteksyon tanporè plizyè milye migran tankou Salvadoryen, Ayisyen ak Nikaragweyen.
Apre li rentoune sou chèz boure a 20 janvye pase a, Repibliken an pwomèt pou l lanse "pi gwo pwogram ekspilsyon nan listwa Etazini", li pwomèt pou l itilize fòs militè, si sa nesesè.