Pou 15 premye jou nan ane 2025 lan, Repiblik Domininikèn depòte plis pase 14,600 Ayisyen selon yon bilan direksyon jeneral Migrasyon dominiken.
Pou 2 premye semèn mwa janvye 2025 lan, Imigrasyon Sendomeng voye tounen Ayiti yon total 14,633 Ayisyen ki pa gen papye.
Imigrasyon Sendomeng fè konnen yo pran enprent dijital sitwayen ayisyen sa yo, pran non, epi fè foto yo avan yo voye yo tounen Ayiti.
Pi lwen, otorite Domininikèn yo siyale yo mete anba kòd 7 moun (6 dominiken ak yon ayisyen) pou trafik ilegal migran.
N ap fè sonje pou ane 2024 la, peyi etranje depòte oubyen rapatriye anviwon 200,000 Ayisyen. 97% ladan yo soti Repiblik Domininikèn.