Politik

Elèv nan Vil Jeremi, Jakmèl, Okay Manifeste pou Reklame Pwofesè nan Sal Klas yo

Student wait their turn to enter Lycee Marie Jeanne school on first day of school since the COVID-19 pandemic in Port-au-Prince, Haiti, Monday, Aug. 17, 2020. (AP Photo/Dieu Nalio Chery)

"Nou mande, nou mande fòk gen pwofesè": se konsa plizyè santèn elèv lise nan vil jeremi te foule beton an pou reklame pwofesè nan sal klas yo.

Depi anviwon 2 semèn elèv lekòl lise nan pizyè vil (jeremi, vil Okay, Jakmèl elatriye), pa jwenn pwofesè ki pou anseye nan sal klas yo, akoz yon grèv pwofesè yo te lanse depi anviwon 2 semèn pou mande pi bon kondisyon travay.

Elèv lekòl piblik yo,ki vle jwenn ti moso ledikasyon, manifeste nan plizyè vil nan peyi a pou mande Leta ba yo pwofesè.

"Si leta te peye pwofesè yo, yo t ap vin travay.[...] Nou pa gen chwa. Nou pran lari a pou n konnen rezon ki fè yo pa travay". Deklarasyon yon elèv nan vil Jeremi nan mikwo VOA

Bò kote pa yo, pwofesè yo fè konnen yap kenbe grèv la, jiskake revandikasyon yo satisfè.

Pami revandikasyon, pwofesè yo mande "pi bon kondisyon travay, yon asirans sante, yon ogmantasyon sou salè, kat debi, nominasyon pwofesè..."

Your browser doesn’t support HTML5

Pwofesè ak Elèv Nan Vil Jeremie Foule Beton an