Antèman polisye UDMO, Mario Jean Louis, anpil moun konnen sou non Debal, ki te tonbe nan afwontman ak Gang nan Nazon chante jodi 19 desanm 2024 la nan Delma 75 devan kamarad, zanmi ak fanmi pwòch.
Anba yon katafal katouch, polisye UDMO yo salye memwa ak vwayaj pou peye san chapo Mario Jean Louis, yo prezante kòm yon moun ki te toujou ap defann sa ki dwat.
Pou kèk sitwayen, ansyen polisye UDMO a, ki tonbe anba bal bandi, te reprezante yon papa, yon moun yo ka konte sou li.
Rèv Mario Jean Louis se te toujou yon vin polisye, malgre opozisyon paran l, Debal te pouvsuiv rèv li e entegre PNH la.
Monkonpè polisye a, ki te prezan nan antèman pou bay yon dènye omaj ak li, eksplike Mario se yon ewo, li te reprezante anpil bagay pou sosyete a.
Polisye Mario Jean Louis, mouri anba bal bandi 6 desanm 2024 la.
Li te gen sèlman 40 lane sou tèt li.