Sekirite ak konfli

Lapolis Deplwaye nan Plizyè Katye nan Kapital la pou Kwape Gang yo

Polisye PNH kanpe nan yon machin lapolis devan bilding kote yo pral nomen Michel Patrick Boisvert nouvo Premye Minis enterime Ayiti nan Potoprens, 25 Avril, 2024.

Plizyè inite espasyalize nan Polis la depwaye nan plizyè zòn nan peyi, tankou Taba, Vivi Mitchel, anba lavil elatriye, nan lide pou kwape gang yo nan Pòtoprens

Nan Taba, Lapolis Nasyonal Ayiti (PNH) anonse li ranfòse sekrite a nan komin sa epi "repouse" gang yo ki te anvayi plizyè lokalite nan Taba.

Nan Vivi Mitchel, nan ri Decolinnes, la polis di yo "repouse" atak gang yo.

Selon sa Lionel Lazare, pòt pawòl adjwen PNH la fè konnen, polisye yo ap goumen plizyè kote kont gang yo. Malgre mwayen li genyen piti, "lapolis la ap kenbe".

Yon lòt bò Lionel Lazarre fè konnen, plizyè inite espesyalize nan la polis la rive mete atè plizyè manb gang anba lavil

Ernso, yon chèf gang mache Salomon ak Jeff yon chèf gang riyèl alèt bwè dlo bouch yo nan boukantay kout zam ak ajan fòs lòd, selon sa pòt pawòl lapolis la fè konnen.

Lionel Lazare ki tap pale sou yon radyo nan kapital la pwomèt "Lapolis la ap kontinye fè tout sa k depann de li pou l résiste kont frap nèg ak zam yo"