Fi kou gason, timoun kou granmoun, pèsonaj ki nan laj avanse... yo tout te pran tout batanklan yo ayè jedi a epi met vwal nan do yo, pou eseye chape anba kout bal bandi ki achte lajan kontan plizyè katye nan Pòtoprens.
Plizyè videyo k ap sikile sou rezo yo montre sèn dezolasyon melanje ak dezespwa lakay popilasyon an nan Pòtoprens ki pa konn ki Sen pou yo rele pou vin pote yo sekou.
"Mwen gen 5 pitit nan menm, m pa konn kote pou m ale ak yo" deklare yon dam ki t ap pale "Passion Info Plus".
Dam nan ajoute: "bagay la rèd pou mwen, mwen pa kapab ankò".
Gen nan moun kap kouri yo ki al kay yon zanmi oubyen yon fanmi pwòch, sepandan gen lòt ki oblije ale nan kan.
Pa egzanp sou wout Boudon an, biwo ofis pwoteksyon sitwayen (OPC) vin tounen yon kan pou pou k ap kouri yo.
Nouvo deplase sa yo, ki soti, nan Solino, Kriswa ak Dèlma 30 vin ajoute sou plis pase 4300 ki te kouri avan sa akoz gang yo k ap fè e defè nan kapital la.
Avan sa, te gentan plis pase 12 mil nan Solino ki te gentan kouri chape poul yo akoz atak gang yo.
Nap raple, selon OIM gen plis pase 700 mil moun ki kouri pou gang anndan peyi a.