Vwayajè yo ki vle antre oubyen kite Ayiti kapab fè sa nan Ayewopò Okap la ak Providenciales International Airport (PLS) ki sou zile Turques and Caiques.
Vòl sa yo ap kòmanse jedi 14 novanm nan, dapre sa Sunrise fè konnen nan yon kominike li pibliye ayè mèkredi a.
Nan kominike a, konpayi ayeryen an konfime li fè yon ti kanpe sou vòl entènasyonal yo ak vòl domestik yo, jiska 18 novanm 2024, akoz zak vyolans yo k ap vale teren nan Pòtoprens.
Ensekirite nan kapital la mete lavi pasaje yo an danje apre plizyè konpayi, takou Jetblue, Spirit dekouvri enpak bal sou avyon yo.
N ap raple, lendi 9 novanm lan katouch te fè mikalaw sou yon avyon konpayi Spirit nan moman aparèy la t ap tande ateri nan ayewopò Toussaint Louverture a.
Sa ki pouse konpayi ayeryen yo kanpe vòl yo sou Ayiti pou sekririte pasaje yo.
Sunrise eksplike: "Sekirite pasaje yo, ekipaj la ak avyon yo se yon priyorite pou konpayi a".
Pou fini, Sunrise envite kliyan yo pou yo vizite sit entènèt li www.sunriseairways.net pou jwenn enfòmasyon sou vòl disponib yo.