Katouch fè mikalaw, jodi lendi a, sou yon avyon konpayi Spirit, nan moman avyon an t ap tande ateri Pòtoprens.
Avyon an ki te soti Fort Lauderdale, nan peyi Etazini, te oblije kase tèt tounen pou l al ateri Repiblik Domininikèn.
Selon Miami Herald, pou piti gen yon moun (otès) ki blese pami ekipaj la, apre bandi te ouvè katouch sou avyon an.
Atak sa fòse responsab ayewopò yo kanpe tout avyon ki te gen pou vole kite peyi a.
Sitiyason nan Pòtoprens rete kritik jodi lendi a, nan kapital la kote plizyè zòn leve anba katoutch.
N ap souliye, tout aktivite nan kapital la paralize. Lekòl fèmen, sikilasyon ap fèt piti piti, anpil biwo prive fèmen pòt yo.