Pandan yon seremoni natiralizasyon ki dewoule resaman, 9 imigran ki soti nan peyi tankou Liban ak Meksik prete sèman kom nouvo sitwayen Ameriken.
Seremoni an dewoule yon kote moun te ka wè bèl morn Los Angeles yo. Nouvo sitwayen Ameriken sa yo elijib kounyea pou enskri pou vote nan eleksyon prezidansyèl 5 Novanm nan.
Florianne Turcat fek sot prete semen kom nouvo sitwayèn Ameriken. Li se moun La Frans:
"Li absoliman esansyel pou mwen e jodia se denye jou pou enskri pou vote."
Mamzèl konnen pou kiyès li pral vote:
"Map vote pou Kamala Harris sitou akoz dwa fanm. Nou kanpe deye dwa fanm yo epi dwa pou chwazi kijan yo vle viv."
Phoenix De Los Angeles Lopez Daal se moun Venezyela:
"Map eseye vote - m pa konnen si map ka enskri anvan dat limit la. Men m ta renmen vote pou Donald Trump."
Youn nan bagay plizyè pami yo di se ke yo kontan patisipe pi plis nan vi Amerikèn nan.
Dennis Beier se moun Almay.
"Mwen kwè nan demokrasi. Mwen te vekse lè atak 6 Janvye a te fèt paske mwen te gen yon feblès pou Trump. Men apre sal te fè a li te vinn twop pou mwen."
Anpil nan yo di yo espere vwayaje ak yon paspo Ameriken, patisipe nan politik e sak pi enpotan an yo se bon jan manm peyi yo renmen epi konsidere tankou lakay depi plizyè zane.
Pandan eleksyon prezidansyèl la ap rapwoche, nouvo sitwayen yo di yo espere patisipe nan premye eleksyon Ameriken yo.