Elon Musk pa reponn prezan devan tribinal Pènsilvani Jedi ki tap fè odisyon sou yon pwosè ki gen rapo ak $1 milon Musck di lap fè elektè kado anvan eleksyon 5 Novanm nan. Sa taka lakoz tribinal la asiyen misye pou mepri.
Musk, yon milyadè ki apiye Repibliken Donald Trump nan eleksyon an, te resevwa lod Mèkredi pou l asiste odisyon an kote yon jij ap konsidere demann avoka Filadelfi Larry Krasner pou l sispann konpetisyon an mwens pase yon semèn anvan eleksyon sere ant Trump ak Demokrat Kamala Harris.
Sepandan Musk pat nan sak tribinal la nan moman odisyon an tap tanmen a 10 ze maten an (1400 GMT).
Musk, ki se moun ki pi rich nan mond lan taka fe fas ak amann si Jij Angeolo Foglietta akize l de mepri.
Dapre rapo ki pibliye, Krasner te mande tribinal la plis mezi sekirite pou odisyon an. Misye di sou rezo moun pibliye yon "avalanch" mesaj "enflamatwa" sou rezo sosyal yo - pami yo atak anti-juif ki vize li epi yo pibliye adres kay li.
Musk limenm ap eseye voye dosye a devan tribinal federal ki se yon taktik pou ralanti pwosesis legal la pou ke li ka kontinye ak plan pou fe kado lajan an.
Nan dosye legal li depoze defan tribinal la, Musk di pwose Krasner soulve kestyon sou dwa libete lapawol ak enteferans nan eleksyon.