Politik

Ayiti: Plis Pase 1200 Moun Pèdi Lavi yo nan 3 Mwa Akoz Vyolans Gang

FILE - Police officers patrol after dispersing demonstrators, who were calling for help from the government and security forces after gangs attacked neighborhoods and set houses on fire, in Port-au-Prince, Haiti, Aug. 19, 2024.

Plis pase 1200 moun pèdi lavi akoz vyolans gwoup gang yo nan peyi a, selon yon bilan makab Biwo Entegre Nasyonzini an Ayiti (BINUH) pibliye ayè mèkredi 30 oktòb 2024 la.

Soti mwa jiyè pou rive mwa septanm BINUH di gen 1223 moun ki pèdi lavi yo akoz vyolans gang yo. 522 lòt blese, toujou nan sa ki gen pou wè ak vyolans nèg ak zam.

Selon BINUH, anpil zak vyolans sa yo ki pote ale lavi sitwayen yo konsantre nan zòn metwopolitèn Pòtoprens ak depatman Latibonit.

Toubiyon vyolans yo pa epaye ni timoun, tifi kou gason.

BINUH rapòte"Pou pi piti 59 tigason ak tifi mouri oubyen blese, viktim zak asasinay, kidnapping, vyolans seksyèl".

Yon lòt bò, ajans lan fè konnen gen pou piti 170 moun yo kidnape pandan menm peryòd la.

Yon tablo tris e makab pandan 3 mwa: Jiyè Dawout ak septanm.

BINUH pwofite pou mande kominote entènasyonal la pou akselere depwaman konplè misyon miltinasyonal pou vin ede ede nan batay kont enpinite an Ayiti.