Grenadyè yo fini sejou yo nan peyi Tiki ak yon defèt kont ekip Larisi a, malgre Melchie Dumornay fè yon mèvèy gòl.
Ayiti ki tap jwe twazyèm match li nan "Pink ladies week" la, tonbe (1-2) devan ekip Larisi a, jedi maten 29 oktòb 2024 la.
Sepandan, Grenadyè yo fè yon chedèv gòl kont seleksyon Larisi a.
Batcheba Luis resevwa yon balon nan manch malèt sifas, amòti boul la sou pwatrin nan epi fè yon bèl talonad sanzatann pou Melchie Dumornay, ki ak yon chout pye dwat pou mete boul la nan kan an.
Pas Batcheba Louis a byen fèt e byen ranje. Kout pat Melchie a byen doze. Yon mèvèy gòl.
Ayiti pèdi match la 2-1, men Grenadyè yo fè yon gwo match kont ekip Larisi ki klase 27e nan klasman FIFA a.
Grenadyè yo fè 8 gòl e pran 5 nan twa match yo jwe nan Pink ladies week la. Yo fè 2 viktwa e yon defèt.
Yo bat jòdani 4-2
Yo bat Lachin Taipei 3-2
Yo pèdi kont Larisi 1-2