Pantagòn nan di Kore di Nò voye apepre 10,000 twoup al antrene nan Larisi. Chif sa 3 fwa plis pase sa yo te estime.
Sekrete de pres adjwen Pantagòn nan di VOA: "Nou kwe DPRK voye anviwon 10,0000 sòlda al antrene nan rejyon es Larisi e ke sa pral pwobableman ogmante fòs Ris ki tou pre fwontye Ikren pandan semen kap vini yo.
Li ajoute: "Yon pati nan sòlda sa yo deja vanse pi pre Ikren e nou gen anpil ke sote Larisi gen entansyon sevi ak sòlda sa yo nan konba oubyen pou apiye operasyon konba yap mennen kont fòs Ikrenyen yo nan Kursk oblast ke Larisi kontwole, tou pre fwontye ak Ikren nan."
Pi bone Lendi, LOTAN te konfime ke 3,000 twoup Nò Koreyen te vwayaje nan Larisi pou ede Moskou goumen kont Ikren e ke gen kek yo deplwaye nan rejyon Kursk Larisi kote fos Kyeiv yo te anvayi epi lanse yon atak sipriz nan mwad Out la. Yo toujou kontwole teritwa sa a.
Sekrete Jeneral LONTAN Mark Rutte deklare deplwaman twoup Nò Koreyen yo se yon siy "dezespwa kap ogmante" bò kote Prezidan Ris Vladimir Putin. Rutte ajoute ke plis pase 600,0000 fòs Ris deja pedi lavi yo oswa yo blese depi envazyon Ikren nan nan mwad Fevriye 2022.
Pantagòn nan pa bay VOA okenn lot detay sou kalite twoup ni ekipman Kore di Nò voye ak sòlda li yo. E le VOA te mande ki kapasite twoup sa yo taka pote pou Larisi, sekrete de pres la te reponn "plis moun sou chan d batay la."
Korespondan VOA nan Pantagon nan, Carla Babb, ekri vesyon orijinal repotaj sa a