Sòlda Ris yo te pran vilaj Izmailivka, ministè a te di nan yon deklarasyon. Lokalite sa a, ki pa t gen anpil abitan menm anvan konfli a, sitiye apeprè uit kilomèt nan nò Kourakhové.
Vil endistriyèl sa ki sou wout pou tonbe anba men twoup Moskou yo, ki te rapwoche yo nan semenn ki sot pase yo, fòse anpil nan rezidan yo kouri kite kay yo.
Apeprè 10 kilomèt nan nò Izmaïlivka se Selydové, yon lòt vil ke sòlda Ris yo sanble prèske pran. Yo te deja antre nan lokalite sa a, dapre obsèvatè yo.
Vil sa, ki te toujou konsidere kòm relativman an sekirite sa kèk mwa de sa, kòmanse ap wè sòlda Ris yo k ap pwoche pi pre epi entansite frap yo ap ogmante. Twoup Moskou yo pou kounye twouve a uit kilomèt.
Fòs Ikrenyen yo ap trimen nan lès peyi a pou fè fas ak sòlda Ris yo ki pi plis epi ki gen plis zam.
Kiev te espere detounen twoup Moskou sou teritwa li a nan lanse yon ofansif sipriz nan rejyon Kursk Larisi nan kòmansman mwa Out. Men, estrateji sa a jiskaprezan pa te rive bay rezilta.