Dam lan ki te gen 8 mwa ansent tonbe anba bal bandi pandan l anndan kay li, selon sa Pwoteksyon sivil fè konnen.
Pou piti gen 2 fanm ki mouri anba bal nèg ak zam yo ki pran otaj katye popilè Solino depi 17 oktòb 2024 la.
Pandan atak yo, bandi yo boule plizyè kay ak machin yo jwenn sou wout yo.
Pi lwen, pwoteksyon sivil fè konnen gen plis pase 5000 abitan Solino ki oblije kite kay yo pou al chache refij nan lòt zòn.
Ensekirite demezire sa afekte plizyè katye nan Pòtoprens, tankou, Nazon, Kriswa, Dèlma, Taba e latriye.
Lapolis enfòme li ranfòse prezans li nan komin Dèlma ak Taba pou repouse atak gang yo.
Gang yo kontinye ap terorize popilasyon an, malgre prezans misyon miltinasyonal la ki gen nan tèt li Kenya.
Pou mwa oktòb la sèlman, nèg ak zam lanse plizyè plizyè atak sou popilasyon an.
Gang Gran grif te atake epi toute plis pase 100 moun nan lokalite Ponsonde.
Gang kokorat san ras, simaye bal sou yon lekòl, blese plizyè elèv nan komin Lestè. San n pa bliye atak nan vil Akayè.