Omwen 12 moun te blese dimanch swa nan atak ris sou Kharkiv, ki te lakòz blakawout nan gwo vil sa a nan nòdwès Ikrèn, selon sa polis la ak otorite lokal yo te anonse.
Bonbadman sa yo fèt pandan otorite ikrenyen yo krenn pou ris yo pa rekòmanse yon nouvo kanpay pou atake enfrastrikti enèjik sivil yo nan peyi a, menm jan sa te fèt nan sezon livè 2022 ak 2023, lè Moskou te itilize mwayen sa pou plonje plizyè milyon ikrenyen nan fredi ak fè nwa, pou fè presyon sou Kyèv.
"Bò anviwon 22:00 (19:00 GMT), ris yo te bonbade twa distri nan Kharkiv (...) 12 sivil te blese, pami yo 7 fanm ki gen ant 22 ak 83 lane ak 5 gason ki gen ant 21 ak 38 lane," dapre sa polis la te anonse nan yon kominikasyon sou Telegram.
Dapre menm sous la, "bilding, garaj, ponp gaz, kay ak machin yo te andomaje" sekouris yo mobilize sou sit ki afekte yo.