Paris —
Avoka akizasyon peyi La Frans di yon jij pwolonje detansyon PDG Telegram nan Pavel Durov.
Yo te arete Misye Samdi nan ayewopò Le Bourget a nan kad yon ankèt jidisyè ke yo te louvri mwa pase a ki gen pou wè ak 12 vyolasyon kriminèl.
Biwo pwokirè Paris a di Madi, lòd detansyon Durov la te pwolonje Lendi pou yon lot 48 hè. Vyolasyon kriminèl yo ki fè pati akizasyon yo gen ladann vann materyo sou abi seksyèl timoun epi trafik dwòg.
Durov se yon sitwayen Larisi, Frans, Emira Arab Ini epi Sen Kitts ak Nevis ki se yon zile nan Karayib la.
Responsab gouvènman Ris la eksprime kolè yo pa rapò ak detansyon misye.
Prezidan Franse a, Emmanuel Macron di arestasyon Durov la pa politik, men pito li fè pati yon envestigasyon endepandan.