SISIL —
Dayiva ki ap fouye nan kakas yon gwo yacht sofistike ki koule sou kot zile Sisil jwenn 5 kadav e yo te chache yon 5èm pandan kesyon t ap ogmante sou koz ki fè yacht la te koule vit konsa.
Dayiva ak ekip sekouris te debake mèkredi 3 sak kadav ki te abò bato sovtaj yo ke yo te akoste nan pò Porticello. Sekouris te jwenn 3 lòt kadav nan kakas yacht la, dapre alatèt ajans pwoteksyon sivil Sisil la.
Dekouvèt la moutre ke operasyon pou fouye nan restan yacht la nan pwofondè 50 mèt anba lanmè a, sete pou rale kadav, pa pou fè sovtaj.
Yacht la, ki rele Bayesian, ki gen yon longè 56 mèt ak yon drapo Grand Bretay, te plonje nan yon tanpèt bonè lendi a pandan li te jete lank nan distans apeprè yon kilomèt ak tè zile a.