Yon nouvo pwogram administrasyon Biden nan pral pèmèt kèk pami mari ak madanm sitwayen Ameriken kap viv Ozetazini ilegalman gen stati legal san yo pa oblije kite peyi a.
Yon afè 500,000 moun kap viv Ozetazini san stati legal pèmanan ki marye ak sitwayen Ameriken taka kalifye anba pwogram yap lanse jodi Lendi a.
Nouvèl sou pwogram sa a te pwopaje rapidman epi deklanche yon seri aktivite toupatou Ozetazini nan moman koup tap tcheke pou wè si yo elijib.
Gwoup ki travay ak imigran yo ap eseye ede moun konprann politik la epi jere dezenfomasyon.
Sepandan gwo kè kontan an melanje ak kè sote pa rapo ak si wi ou non pwogram nan va fè fas ak defi legal si Donald Trump ranpote eleksyon prezidansyèl la.
Trump sèmante pou l depote plizyè milyon imigran kap viv ilegalman Ozetazini.