MILWAUKEE —
Yon Donald Trump sonb, ak yon pansman sou zòrey li, aksepte nominasyon pati li kom kandida a la prezidans, nan Konvansyon Nasyonal Pati Repibliken an.
Pandan diskou li, misye dekri an detay tantativ asasina ki manke touye l sa gen 5 jou desa. Apre sa li detaye ajènda popilis li a, sitou nan domèn imigrasyon.
Ansyen prezidan an, ki gen 78 an deklare: "Si'm pat vire tèt mwen a la dènyè minit, bal asasen an tap frape sib li pafètman. E mwen patap isit aswè a."
Diskou Trump la, ki pami diskou pi long ki janm fèt nan listwa moden konvansyon yo, make fen nan yon koken chen miting pati Repibliken an ki dire 4 jou, nan moman elektè yo ap reflechi sou yon eleksyon kote 2 kandida ki pa popilè ditou ap fè fas youn ak lòt.