Batay gang yo ap menen nan kapital la te fòse dè santèn de milye moun kouri kite kay yo pandan tou y ap fèmen pò nan peyi a tou, sa ki afekte pwovizyon manje, medikaman ak èd. Aktivite gang yo vin kreye yon kriz grangou tou ki afekte plizyè milyon moun.
Conille deklare: "N ap travèse yon moman enteresan pou pèp ayisyen an, yon moman pou gwoup politik yo mete diferans yo sou kote nan enterè nasyon an".
PM nan te ajoute: "Premye enstriksyon manm konsèy tranzisyon an te bay sè ke nou pa gen tan pou n pèdi".
Pwochen misyon PM nan se pral chwazi yon nouvo kabinè epi pave wout la pou premye deplwaman fòs miltinasyonal la ke Kenya pral dirije .
Gwoup feminis ayisyen yo deplore absans fanm pami manm konsèy yo ki gen dwa pou vote, e yo di pat gen okenn fanm ke yo te konsidere pou pòs premye minis la. Feminis yo mande nouvo administrasyon an pou mete fanm nan gouvènman an tou.