Sepandan, Kremlin an di Prezidan Vladimir Putin pa gen okenn kontak ak Donald Trump sou dosye liberasyon repòtè Wall Street Evan Gershkovich ki nan yon prizon nan Larisi.
Trump ekri sou rezo sosyal li Truth Social ke sa ap fèt tousuit apre eleksyon Novanm nan Ozetazini. Li pa pale de okenn kontak ke li ta gen ak Putin.
Pòtpawòl Kremlin Dmitry Peskov di repòtè yo ", Putin natirèlman pa te gen okenn kontak ak Donald Trump,"
Peskov di ke kontak sou moun ki fèmen nan prizon nan peyi a, sa dwe rete nan sekrè total epi san atire okenn atansyon.
Gershkovich te jwenn arestasyon nan Larisi nan mwa Mas ane pase anba akizasyon espyonaj, bagay ke li-menm, jounal li a ak administrasyon Prezidan Ameriken Joe Biden demanti ak tout fòs. Li deja pase plis pase yon ane nan prizon nan Moskou, san pa gen dat pou jijman.