Depite liy du ameriken, madam Marjorie Taylor Greene fè kòlèg li yo sezi ayè mèkredi a lè li te mande yon vòt pou chavire lidè Chanm nan Mike Johnson. Palmantè yo rejte apèl la byen vit.
Greene te kontinye pouse efò li a byen lwen malgre opozisyon Repibliken ki pi wo plase yo ki bouke wè dezòd politik nan Chanm nan.
Greene, ki se youn nan pi gwo sipòtè Donald Trump nan Kongrè a, te kanpe devan palmantè yo pou bay lekti yon lis long ki gen sa li rele move aksyon ke Johnson komèt kòm lidè chanm nan. Kòlèg li yo te rele chalbari dèyè li kòm pwotestasyon.
Sa fè 2èm fwa nan kèk mwa ke Repibliken yo te chache jete lidè yo a.