Almay fè konnen jodi lendi a li raple anbasadè li nan LaRisi pou fè li tounen lakay pou konsiltasyon nan Bèlen apre yon swadizan atak sou entènèt ki te vize pati politik Chanselye Olaf Scholz la.
Semènn pase, Almay te akize kèk ajan lame ris la kòmkwa yo ta pirate kèk biwo enpòtan nan pati Scholz la, pati Sosyal Demokrat la ak lòt biwo sansib nan gouvènman an ak kèk sektè endistriyèl. Bèlen mete ansanm ak l-OTAN e ak lòt peyi ann Ewòp pou avèti LaRisi ke espyonaj sou entènèt ap gen konsekans.
Biwo afè etranjè a nan Bèlen di jodi lendi a ke gouvènman an pran dènye ensidan an seryezman e ke Minis Afè Etranjè Annalena Baerbock te deside raple Anbasadè alman Alexander Lambsdorff. Li ap tounen Moskou nan yon semenn.