Lapolis peyi Brezil ap mennen anket sou dekouvet yon bato chaje ak kadav. Yo di pwobableman se migran ki soti Mali ak Moritani.
Peche ki tap chache pwason nan lanme sou kòt nò Brezil nan zòn eta Para, jwenn bato a ki tap flote nan Oseyan Atlantik la Samdi.
Polis Federal Brezil la pibliye yon deklarasyon Lendi swa kote li di li rekipere 9 kadav.
Gwo kannòt ble ak blan an ke yo jwenn nan Brezil, gen menm katakteristik bato Moritanyen ke migran ki soti Afrik de Lwes konn sevi pou rive nan zile Kanari yo.
Sanble Brezil pat destinasyon yo.