Iran lanse atak pou reponn frap Premye Avril pase sou konsila li nan Kapital Siri a Damas, kote li te lonje dwèt sou Izrayèl. Izrayèl pa te ni konfime ni demanti ke li te responsab pou atak la ki te touye plizyè kòmandan militè iranyen.
Prezidan franse Emmanuel Macron di jodi lendi a gouvènman li a ap fè tou sa li kapab pou evite sityasyon an vin pi grav ant Izrael ak Iran, apre yon atak dronn ak misil Iran sou Izrael.
Macron te pale sou medya BFM-TV ak RMC, kote li ekzòte Izrael pou li chache izole Iran olye li agrave sityasyon an.
Chanselye alman Olaf Schols lanse yon mesaj menm jan an jodi lendi a pou Iran pa lanse plis atak sou Izrayèl, e pou Izrael jwe yon wol pou apeze sityasyon an.
Otorite izraelyen anonse ke lekol ap re-louvri jodi lendi a, e ke li ap leve limit sou gran rasanbleman pifò kote.