Etazini dwe anplwaye tout mwayen ki nan men li pou depase LaChin nan konpetisyon, se pawol yon gwo responsab nan Depatman Deta ki pa vle non li site, ayè lendi a, pandan administrasyon Biden nan sot devwale bidjè li pou ane fiscal 2025 la.
Demann nan gen ladann 4 milya dola pou 5 lane finansman obligatwa pou konpetitisyon an, e ladann 2 milya dola pou kreye yon nouvo fon pou enfrastrikti entènasyonal, se sa Asistan Sekretè Deta Administrasyon ak Resous, Rich Verma, di nan yon rankont ak laprès.
Yon lòt kote, Pentagòn nan gen yon twou vid nan bidjè li, pandan li bezwen 10 milya dola pou ranplase zam ke li deja voye bay Ikrèn. Pou bouche twou vid sa a, li bezwen pou Kongrè a ba li plis lajan, dapre sa kèk gwo zotobre nan Depatman Defans di ayè lendi a.