CARACAS, Venezyela (AP) — Minis Zafè Etranje Ris Sergei Lavrov re-ensiste sou sipò gouvènman li a pou administrasyon Prezidan Venezyelyen Nicolás Maduro pandan yon vizit ki dire plizyè èdtan nan peyi Amerik di Sid la.
Nan vizit sila Lavrov te eksprime angajman Larisi pou koperasyon estratejik nan anpil sektè, pami yo teknoloji, enèji ak kilti.
Li rankontre ak Vis Prezidan Delcy Rodriguez ak Minis Zafè Etranje Yván Gil nan kapital la, Caracas, nan moman gouvènman Venezyela a ak yon gwoup nan opozisyon an ke Etazini apiye kontinye ap negosye sou kondisyon pou egalize chans kandida yo nan eleksyon prezidansyèl ane sa a.
Nan pwosesis negosyasyon yo ki difisil, ki te kòmanse an 2021 e ke diplomat Nòvejyen ap gide, Larisi apiye gouvènman Venezyelyen an nèt.