Tankou lòt papa nasyon Etazini an yo, George Washington pat alèz ak lide pou selebre lavi li piblikman. Li te premye lidè yon nouvo repiblik – pa yon kanson-fè.
E poutan nasyon an ap selebre yon lòt fwa ankò premye prezidan Etazini an jodi lendi a, 292 lane apre nesans li.
Washington te fèt 22 Fevriye 1732 sou Plantasyon Popes Creek toupre Flèv Potomac la nan eta Vijini, dapre kalandriye Jules César-la, men 11 Fevriye, dapre kalandriye Gregoryen an ke loksidan te adopte an 1752.
Lwa pou fete tout fèt federal yo nan Lendi te antre ann aplikasyon an 1791, kote yo te mete Fèt Prezidan yo nan 3èm Lendi mwa Fevriye.
Seth Bruggeman, yon pwofesè istwa nan Temple University nan Filadelfi, di ke Washington ak lòt fondatè
nasyon an yo ta gen anpil enkyetid jounen jodia pou yo wè komès ak enterè prive pran jou konje a pou yo, olye li sèvi pou moun reflechi sou tradisyon yo.