Iran make ayè dimanch la 45èm anivèsè Revolisyon Islamik 1979 la pandan gen tansyon nan rejyon Mwayenn Oryan an sou lagè Izrael kont Hamas ki ap kontinye nan Gaza a.
Dè milye Iranyen te fè mach nan gran ri yo ak sou plas piblik yo ki te dekore ak drapo, balon ak banyè ki te gen slogan revolisyonè ak relijye.
Nan Teheran, foul moun te leve drapo Iran, chante slogan, ak pote plaka ki gen slogan tradisyonèl « Aba Etazini » ak « Aba Izrayèl» ki ekri sou yo. Kèk moun te boule drapo ameriken ak izraelyen, jan sa konn fèt nan manifestasyon anfavè gouvènman an.
Lame a te ekspoze yon pakèt misil li, pami yo misil Qassem Soleimani ak Sejjil, ak zam Simorgh ki ka pote
satelit, tou sa sou laplas kote moun te pran sèlfi ak zam yo.