Julio Auguste ki ap viv ozetazini pandan 2 lane se youn nan fondatè "Konbit Rara 1804", li grandi ak rara nan lakou lakay depi nan peyi dAyiti, e li bay tèt li misyon pou pataje kilti tout kote li pase, li montre kilti peyi li nan Sirinàm avan li te fè li kay tonton Sam (Etazini).
Se Pierre-Charles Janvier, youn nan lòt fondatè gwoup la, ki menm ki te vini ak non Konbit Rara 1804 la. Gwoup la egziste depi anviwon 6 mwa yo avek 10 manb, e li gentan ap fè non l toutbon nan Chicago.
Gwoup la deja jwe nan plizye evènman tankou komemorasyon "Batay Vètyè" , yon fèt Nwèl pou imigran, ak Gala Endepandans lan nan mwa janvye 2024 pase a.
Jounalis VOA Kreyòl nan Chicago Obed Lamy te gen chans patisipe nan yon seyans repetisyon gwoup la, li te gen rankontre ak plizyè manm gwoup la ak tout manajè gwoup la.
Men li pa fasil pou yon gwoup Rara evolye Ozetazini akoz li kapab difisil pou jwenn istriman mizik tankou tanbou ak kone dapre Gerald ki jwe wol manadjè gwoup la.
Men pwoblem sa yo pa p fe gwoup la fe bak. Okontrè Konbit Rara 1804 ap travay pou kreye mizik pa yo.
Avek gwoup Rara 1804 Rara Ayisyen Ap pran Rasin nan Rejyon Chicago a Epi yo pa selman vle fè moun danse, yo vle pase lamayòt tou la bay lòt jenerasyon k ap vini yo.