Xavi deklare nan yon konferans pou laprès "Mwen te di ke mwen pa renmen ke yo ap chache enfliyanse abit yo e ke yo fè li chak semèn, mwen pa renmen sa," e li te raple jounalis yo ke li ap kite plas antrenè a nan fen sezon an.
Apre 22 jou, Real nan tèt chanpyona La Liga a, ak 2 pwen devan ekip Girona a, epi 10 pwen devan Atlético Madrid (3 zièm) e FC Barcelona (4yèm).
Depi plizyè semèn, televizyon Real Madrid la ap pase pwogram ki soulve gwo pawòl anpil, ki pa sispann kritike abitraj yo nan chanpyona La Liga a.
Antrenè Blaugrana bò kote pa li di: "Mwen panse ke li defòme konpetisyon an yon ti kras. Abit yo vin pa mèt tèt yo, nou wè li ".
Prezidan FC Barcelona Joan Laporta, li menm tou te pale sou dosye a Vandredi, kote li deklare "sa Televisión Real Madrid ap fè a se yon wont."
Prezidan Barça a tou te kritike abitraj yon match ki sot dewoule ant Real Madrid ak Almeria, kote Almeria te ap mennen 2-0 sou Real Madrid, epi Real genyen match la 3-2 sou Almeria apre VAR te pran twa desizyon anfavè Real, ki te fè gwo pale-anpil.
"Se yon wont sa yo fè Almeria a. Tout mond la te wè li.
Xavi ensiste pou di : "Mwen dakò 100% ak prezidan an, se yon reyalite." Li fè sonje pawòl antrenè Atlético Madrid la Diego Simeone : "Simeone te di li, pa vre? Nou pa egare. Tout moun ka wè sa."
Lè yo te poze li kesyon sou piblikasyon anrejistreman odyo ki fè tande konvèsasyon VAR t ap fè pandan match Real Madrid ak Almeria, Diego Simeone te di "Sa ki enpòtan se pa sa yo pibliye a, men sa ki pase a. Yo panse ke nou tout pa wè klè, e se sa ki fè nou fache."