Trump pran plis pase mwatye nan vwa yo, apeprè 51 pousan, Gouvènè Florid Ron DeSantis rive 2èm ak 21 pousan, epi ansyen Gouvènè Kawolin di Sid Nikki Haley rive toupre dèyè DeSantis ak 19 pousan.
Apre yon rezilta 7,7 pousan vwa, antreprenè Ramaswamy anonse li sispann kanpay li pou prezidan e ke li andose Trump nan kous la.
3 prensipal kandida yo ap pare yo pou pwochen kous la nan eta New Hampshire, semenn ki ap vini an. Apre sa, pwal gen eleksyon primè eta Kawolin di Sid nan fen mwa Fevriye.
Trump ap fè fas ak 91 akizasyon kriminèl sou do l, kote yo trennen li nan tribinal 4 fwa deja. Kèk nan pwosè yo ka fèt nan mwa k ap vini yo, pami yo youn nan Washington ki fikse pou 4 Mas, ki akize l kòmkwa li te chache ranvèse ilegalman defèt li nan eleksyon 2020 an.