SAN ANTONIO (AP) — Otorite jidisyè nan eta Texas akize yon papa ak yon pitit gason nan kad asasina yon fanm ansent ki gen 18-zan ki te disparèt anvan fèt Nwèl la ak tout mennaj li.
Lapolis vil San Antonio yo anonse arestasyon mesye yo mèkredi swa plis pase yon semèn apre yo te jwenn kadav Savanah Nicole Soto ki gen 18 zan ak Matthew Guerra ki gen 22-zan nan pakin nan yon konplèks apatman.
Otorite polisyè San Antonio yo fè konnen koup la te mouri anba bal akoz yon "deal" dwòg aparanman ki mal pase, e ta samble prezime asasen yo te deplase kadav yo epi kite yo nan yon machin.
2 Akize yo se yon jenn gason 19-zan ki jwenn akizasyon asasina, epi papa l ki gen 53-zan ke yo akize pou abi kadav apre li te swadizan ede pitit gason l pote kadav la ale nan yon machin.