Fòs izrayelyen ak konbatan Hamas angaje nan gwo batay lendi nan Khan Younis ak nan alantou a nan Gaza, pandan batay t-ap dewoule tou nan vil Gaza nan nò a.
Biwo l-ONU pou Kòdone Zafè Imanitè a di distribisyon èd nan Gaza preske sispann nèt, eksepte nan zonn Rafah toupre fwontyè Ejip la, pandan gwo batay ansanm ak restriksyon sou gran wout yo bloke operasyon imanitè yo.
LaFrans, Almay ak Itali lanse apèl jodia pou mande Inyon Ewòp la mete plis sanksyon sou Hamas. Inyon Ewop la ak Etazini mete Hamas sou lis òganizasyon teworis.
Mustafa Barghouti, yon politisyen Palestinyen ki dirije Komite Sekou Medikal Palestinyen yo ki gen 25 ekip nan Gaza, di mwatye nan Gaza ap soufri grangou.
Li di 350-mil moun gen enfeksyon, pami yo 115-mil ki gen gwo enfeksyon nan sistèm respirasyon yo.