Politik

Yon Delegasyon Gouvènman Ris la Rive Kore di Nò

Kiongozi wa Korea Kaskazini Kim Jong Un (katikati) akizungumza na viongozi wa Russia huko Primorsky, Septemba 17,20023. Picha na KCNA KUPITIA KNS / AFP.

Yon delegasyon gouvènman Ris la rive nan Kore di Nò madi 14 novanm 2023 a, delegasyon an gen nan tèt li Minis Resous Natirèl la Alexander Kozlov.

Vizit sa a fè pati de dènye seri echanj wo nivo diplomatik ant Moskou ak Pyongyang ki te kòmanse nan mwa Jiyè pase a.

Avyon Kozlov la te rive byen bonè madi a, epi gen plizyè otorite Nò Koreyen ke Jounalis AP yo pa rive idantifye ki te vin akeyi delegasyon Ris la nan ayewopò Pyongyang la.

Kozlov se te ofisyèl Ris la ki te premye moun pou akeyi lidè Kore di Nò Kim Jong Un nan dènye vizit li te fè nan Larisi nan mwa septanm nan.

Kore di Nò ak Larisi te diskite sou koperasyon ekonomik pou plizyè ane.

Sa gen kèk semèn de sa, otorite Ameriken yo te di Kore di Nò te voye zam pou ede Larisi nan envazyon li nan Ikrèn.

SEE ALSO: Kore di Sid di yo Kwè ke Kore di Nò Voye Plis pase yon Milyon Boulèt Kanno nan Larisi

Otorite Kore di Nò yo pa anonse ajenda pou vizit sila a, ni yo pa di non plis konbyen tan Kozlov ap pase nan peyi a.